गीत · Reading time: 1 minute

चलऽ ना घुमा दऽ शहरिया पिया

शक्ति छंदाधारित गीत

चलऽ ना घुमा दऽ शहरिया पिया।
बड़ा नीक लागे बजरिया पिया।

जिलेबी, मिठाई, खिआ दऽ सजन।
निरहुआ क पिक्चर दिखा दऽ सजन।
नथुनिया गढ़ा दऽ, उधारे भले-
घघरिया तू नवका सिआ दऽ सजन।

बितल जात हमरो उमरिया पिया।
चलऽ ना घुमा दऽ शहरिया पिया।

चढ़ल बा महीना इ सावन हवे।
महादेव के नाम पावन हवे।
चलऽ जल चढ़ावऽ मनावऽ शिवा-
भजन रुद्र जी के लुभावन ‌हवे।

सभे बम बनल बा कँवरिया पिया।
चलऽ ना घुमा दऽ शहरिया पिया।

(स्वरचित मौलिक)
#सन्तोष_कुमार_विश्वकर्मा_सूर्य
तुर्कपट्टी, देवरिया, (उ.प्र.)
☎️7379598464

1 Like · 1 Comment · 10 Views
Like
You may also like:
Loading...